Уруш йилларида тухумсимон электромобиль ясалганидан хабардормисиз?

1942 йилда француз дизайнери Пол Арзан ушбу машинани ўз қўли билан ясаган. Нега электромобиль? Чунки Францияни Германия босиб олган, оккупантлар эса жисмоний шахсларга бензин бермас эди.

Арзан урушга қадар саноат дизайнери сифатида ном чиқарган. La Baleine шоукарининг муаллифи эди. Урушдан сўнг локомотивлар дизайни билан шуғулланди. Аммо биз унинг тухумсимон электромобили тўғрисида ҳикоя қиламиз.

1942 йилда оккупация шароитида Арзан Fiat шассисида “Кит-2”ни ишлаб чиқди ва ёнилғи тақчиллиги туфайли машинага электрли двигатель ўрнатди. “Кит” деганлари бесўнақай ва оғир бўлиб, электрли двигателни 70 км/соат тезликда аранг тортарди. Кейинроқ Арзан L’Œuf électrique электромобилини ясади.

Уч митти ғилдирак ва органик шишадан тайёрланган кузов-кабина ҳамда двигатель билан бир машина тап-тайёр бўлди. Унга 260 кгли батареялар ўрнатилди. Электромобиль бортида бир одам билан соатига 70 км тезликда ҳаракатлана оларди. Бу 40-йиллар учун яхши натижа.

L’Œuf électrique томчига ўхшаб кетади. Бу оккупациядаги французлар сабрининг сўнгги томчисимиди фашистлар Германияси маҳаллий аҳолига бермасдан фақат уруш учун ишлатаётган ёнилғи томчисимиди? Бу тинчлик ва озодликдан умид эди. Икки йил ўтгач Францияда озодлик байроғи ҳилпиради.