Суюқ электрга ишлайдиган Quantino электромобили серияли ишлаб чиқарилади

Швейцариялик автомобилсозлар Quantino электромобилини 2015 йилда Женева автосалонида намойиш этган ва у инновацион технологиялар қўлланганлиги учун дарҳол барчада қизиқиш уйғотган эди. Унда турлича зарядланган электролитлар орқали энергия олинади. Олинган энергия конденсаторларда аккумуляцияланади, ўз навбатида мотор ундан озиқланади.

Quantino электромобилини кўплаб автоконцернларнинг вакиллари юқори баҳолади. Қолаверса, суюқ электр технологияси билан қизиққанлар анча-мунча бўлди.

Швейцариянинг Nanoflowcell  компанияси юқорида тилган олинган электромобилни ялпи ишлаб чиқариш учун ишончли ҳамкор топди.

Ҳозир Quantino электрокарига 159 литрли иккита электролитли бак ўрнатилади. Машинанинг қуввати 107 от кучига (айлантириш моменти 201 Н∙м) тенг. Вазни 1420 кг бўлган электромобиль 5 сонияга қолмай юз тезликка чиқади. Энг юқори тезлиги соатига 200 км. Тўла заряди билан 965 км йўл босишга қодир. Кимёвий реакцияда ёрдамлашадиган фильтр-мембранаси ҳар 9650 кмда алмаштирилади.