Wander Stand ва Wander Walker: ҳақиқатга айланган тасаввурлар

Honda компанияси Токио шаҳрида бўлиб ўтаётган мотор-шоуда серияли тарзда ишлаб чиқаришга деярли тайёр Wander Stand ва Wander Walker деб номланган иккита янги прототипни намойиш қилди. Уларнинг ҳар иккиси ҳам, автоишлаб чиқарувчилар фикрига кўра, одамларга эркин ҳаракат қилиш учун янги имкониятларни тақдим этиш учун мўлжалланган.

Wander Walker электр скутер бўлиб, Honda вакилларининг айтишича, пиёдалар оралаб эркин ҳаракатланиш учун ишлаб чиқилган. У ахборот-кўнгилочар тизим билан таъминланган бўлиб, ёғочли безаклар ва табиий теридан ишланган тутқичларга эга.

Wander Stand концепти эса тўрт ғилдиракли транспорт воситаси бўлиб, икки йўловчига мўлжалланган. Уни махсус жойстик – бошқарув дастаси ёрдамида буриш мумкин. Рул чамбараги ва ускуналар панели ўрнида эса дисплей жойлаштирилган. Ахборотлар проекцион технология ёрдамида олд ойнага туширилади.