Шахтёр тоннелидаги эски автомобиллар мозорига видеосаёҳат

Белгиялик сураткаш Францияда жойлашган шахтёр тоннелларига кириб еростидаги эски машиналарни суратга туширди ва видеога олди.

Бу автомобиллар нега ер остида? Французлар уларни Иккинчи жаҳон урушида нацист босқинчилари қўлига тушишини истамасдан яширган бўлиши мумкин.

Сураткаш Мишель Винсен эски тоннелда бир уюм занглаган темир-терсакка айланиб бўлган машиналарни кўрган. 30-йилларда Франция кўчаларида юрган бу автомобилларнинг айримлари сақлаш олдиданоқ шикастланган, баъзиси эса қисмларга бўлакланган.