УАЗ автомобиль ишлаб чиқаришни 25 кунга тўхтатди

Изоҳ

Уляновск автомобиль заводи шанба куни янги йил тадбирлари ва ишлаб чиқаришни модернизациялаш туфайли ишлаб чиқаришни вақтинча тўхтатади. Бу ҳақда корхонанинг матбуот хизмати ТАСС мухбирига маълум қилди.

Пресслаш, пайвандлаш ва бўяш цехларида профилактика ҳамда таъмирлаш ишлари ўтказилади. Янги йил таътили 31 декабрдан 8 январгача чўзилади, 9 январдан 24 январгача эса корхонада йиллик инвентарлаш ишлари бўлиб ўтади. 25 январдан яна автомобиль чиқариш бошланади.

Уляновск автомобиль заводи тўла узатмали енгил ва тижорат автомобиллари, шунингдек, микроавтобуслар чиқаришга ихтисослашган. Заводнинг ишлаб чиқариш қуввати йилига 105 минг автомобилни ташкил этади. 2000 йилдан бошлаб корхона “Соллерс” концерни таркибига киради. Автокорхона UAZнинг 10дан ортиқ русуми ва юзга яқин модификациясини ишлаб чиқаради.

Бакир Назаров

Муаллиф

Бакир Назаров

Carzone.uz сайтининг фаол муаллифлардан бири. Автомобилни ҳашамат эмас, транспорт воситаси деб қарайди. Ҳаётдаги шиори: "Юзда юрма, юзга кир".

Кейингиси

Сўнгги Мақолалар

Discussion about this