Финляндияда гибрид автомобилларни талашиб олишмоқда

Финляндияда гибрид моторли автомобиллар савдосида шиддатли ўсиш кузатиляпти. Ўтган йилнинг ўзидаёқ савдо ҳажми 75 фоизга ошган.

Финляндия транспорт хавфсизлиги агентлиги вакиллари ўтган йили сотилган гибрид автомобиллар сони 1610тага етганини хабар қилди. Бу 2015 йилдаги натижадан 75 фоизга ортиқдир.

Аммо гибрид русумлар оммалашаётганига қарамасдан, харидорлар электромобилларга майл билдирмаяпти. Ўтган йили финлар бор-йўғи 119та электромобиль харид қилди. Уларнинг савдосида 9,3 фоизлик ўсиш кузатилди.

Ўтган йил якун топишидан олдин Финляндия ҳукумати эълон қилган ҳужжатда янгича энергетик стратегия ҳақида сўз боради. Унда харидорларни электромобиль харид қилишга ундаш ва ўн уч йил ўтгач электромобиллар сонини 250 мингтага чиқариш ёзилган.