Финляндия йўллари пулли бўлиши мумкин

Мамлакат транспорт вазирлиги автомобиль ва ёнилғи солиқларни пасайтириб, шунингдек, автомобилни харид қилганлик учун солиқни бекор қилиб, ўрнига йўл учун тўлов жорий этиш таклифини илгари сурди. Бу режа 2018 йилда жорий этилиши мумкинлигини Yle нашри ёзмоқда.

Янги қоида кучга кириши учун йўл тармоғини бошқарувчи янги компания тузилади. Тахмин қилинишича, йўл тўлови, даставвал, йўлда ҳаракатланиш муддатига боғлаб қўйилади. Масалан, бир ҳафта, ой ёки йил учун белгиланган суммани тўланг ва йўлда қатнайверинг. Бир йиллик тўлов ўртача 539 еврони ташкил этиши мумкин, деб ёзмоқда нашр. Тариф ставкасида транспорт воситасининг ҳавога чиқарадиган CO2 даражаси ҳам кўзда тутилади.

Кейинроқ эса босиб ўтиладиган йўл бўйича тўлаш тартибига ўтилиши мумкин. Унда хусусий операторлар ҳайдовчиларга муайян км бўйича пакетларни таклиф этади.

Аммо туристлар учун бу қоида қай тартибда амал қилишига нашр ойдинлик киритмаган.