Tri-D Dynamics: ракета учун тез, сифатли ва арзон двигателлар босиб чиқарамиз

Tri-D Dynamics стартапига ёш ва тиришқоқ талабалар асос солган. Улар 3D принтерда двигателлар босиб чиқариб, ракетасозлик саноатини ларзага солишмоқчи. Бу двигателларнинг қуввати 1134дан 2268 от кучигача.

Компания бошлиғи Александр Финч ракеталар учун суюқликли двигателларни икки кунда тайёрлаши мумкинлигини билдирди. Двигателнинг тузилишига кўп нарса боғлиқ бўлиши табиий. Аммо энг мураккаб двигателни босиб чиқариш ҳам икки ҳафтадан кўп вақт олмайди. Двигателни анъанавий йўл билан чиқариш эса бир ойга чўзилади.

“Двигателни анъанавий йўл билан ишлаб чиқариш учун яхши пайвандчи, икки инженер, сифат назоратчилари, тестерлар, ёрдамчилар, бундан ташқари яна икки одам керак бўлади, — дейди стартап таъсисчиларидан бири Дипак Атям. — 3D принтер ёрдамида эса бир ёки икки киши осонгина двигатель босиб чиқариши мумкин”.

Ҳозир инженерлар турли космик техника ишлаб чиқарувчи компаниялар билан шартномалар имзолашни режалаштирмоқда. Бир ҳафтада йигирматагача двигатель тайёрлашни мўлжаллаяпти.