BMW компаниясининг бош дизайнери ишдан кетди

Automotive News агентлиги аноним манбага иқтибос келтирган ҳолда BMW маркасининг шеф-дизайнери Карим Ҳабибнинг компаниядан кетаётганини маълум қилди. Бавария автомобилсозлик компаниясида бунга изоҳ берилмаган. Ҳабиб буёғига қаерда ишлаши ҳам маълум қилинмаган. Бу ҳақда Kun.uz ёзмоқда.

Ўтган йили BMW Group концернини икки бош дизайнер тарк этганди: MINI бюросини бошқарган ва Borgward’га кетган Андерс Варминг ҳамда «i» бўлимида ишлаган ва Future Mobility’га кетган Бенуа Якоб.

Borgward ва Future Mobility Хитой компаниялари ҳисобланади ва Ҳабиб ҳам бирор бир Хитой автохолдининг ваъдаларига учган бўлиши мумкин.

Ҳабиб BMW’га 2012 йилда «Мерседес»дан қайтиб келганди. Унинг бошчилиги ушбу марка автомобилларининг янги «қиёфаси» пайдо бўлган. Кўринишича, Ҳабиб бошчилигида яратилган охирги модель BMW X7 кроссовери бўлади, у 2018 йилда сотувга чиқарилади.