Фотогалерея: Mercedes Gelandewagen турли қиёфаларда

Mercedes Gelandewagen деганда қора ва баҳайбат йўлтанлмас кўз олдимизга келади. «Мотор» нашри мазкур автомобилнинг кутилмаган кўринишдаги суратларини бир саҳифага жойлади, деб ёзмоқда Daryo.uz.

«Чўллар ҳукмдори»

G-класс тоифадаги Gelandewagen ҳарбийлар буюртмаси асосида дунёга келган. Сўнгги йилларда ушбу йўлтанламаснинг имижи бироз йўқолган бўлса-да, у ўз имкониятларини сақлаб қолган. Мисол учун, «Гелик» асосида экспедициялар учун мўлжалланган Mercedes G Entdecker’ни яратиш мумкин.

G300 модели 183 от кучига эга V6 дизелли мотор билан жиҳозланган. Ёқилғи бакининг сиғими – 230 литр. Бундан ташқари 86 литрга тенг сув баки, томда юклар учун жой мавжуд. Юкхонада эса йиғиладиган стуллар ва музлаткич бор.

Машина томига сафар учун керакли анжомларни ортса бўлади.

Икки кабинали пикап

G500 модели асосида яратилган мазкур GWF пикапи 8 цилиндрли моторга эга. Машина узунлиги 6 метр, баландлиги 2,2 метрга тенг.

G500 моделидан фарқли ўлароқ GWF’нинг юкхонаси ва бақувват шиналари бор. Автомобиль нархи 125 минг еврога тенг.

Mercedes-Benz G-Class LAPV 6.Х

Арманистоннинг LAPV 5.4 зирҳли автомобили асосида яратилган ушбу прототип Daimler концерни ва зирҳ учун жавобгар ACS Armoured Car System компанияси билан ҳамкорликда ишлаб чиқарилган.

LAPV қисқартмаси «Енгил зирҳланган патруль автомобили» деган маънони англатади. Машина Gelendewagen’нинг ҳарбийча версияси асосида ишланган.

Автомобиль ажойиб навигация ва замонавий алоқа тизимлари билан жиҳозланган. Айтишларича, бундай машинини индивидуал шахслар ҳам сотиб олиши мумкин. Аммо унинг нархи номаълум.

Олти ғилдиракли Gelandewagen

Ушбу автомобиль 1990 йилларда Schulz компанияси томонидан яратилган эди. Машина 6х6 ғилдирак формуласига эга бўлган.

Олти ғилдиракли кабриолет 325 от кучига тенг ҳажми 5 литрли двигатель билан жиҳозланган.

Ошхона ва ётоқхонага эга бўлган Gelandewagen

Ушбу машина G-класс шассиси асосида Германиянинг ORC компанияси томонидан Москвада ишлаб чиқарилган.

G-Camp Pro ORC Edition номли автомобиль ёқилғи ва сув учун қўшимча баклар билан жиҳозланган.