Америкалик эркак 30 йил давомида ноёб Ferrari’ни бир хонали хонадонда сақлаб келди (фото)

АҚШнинг Лос-Анжелес шаҳри фуқароси бир неча ўн йил давомида Ferrari’нинг ноёб моделини ўзига тегишли турар-жойдаги хонадонда сақлаб келди, деб ёзади Daryo.uz. Америкалик бир хонали хонадонга 1959 йилда чиқарилган 250 GT PF купесини бекитиб ташлаган.

Голливуддаги хонадонга яшириб қўйилган машина собиқ хўжайиннинг адвокати шарафи билан фош этилди. Ҳуқуқшунос ундан апартаментларда тахминан 1980 йиллар ўрталаридан буён сақланиб келган спорткарни харид қилган.

Америкалик автомобилни ўғирлаб кетишларидан қўрқиб, яшириб қўйган, чунки ўша пайтда Голливудни энг хавфли туманлардан бири деб ҳисоблаган. Бунинг учун у уйнинг деворларидан бирини бузиб, кейин яна қайтадан қуриб қўйиши керак бўлди, холос.

Ўнлаб йиллар давомида у турли эҳтиёт қисмларини сотиб олиб, Ferrari’ни аста-секинлик билан реставрация қилиб борди.

Адвокат мижозининг «сиридан» узоқ йиллар хабардор бўлган, аммо уни сотиб олиш таклифини билдирганидан кейингина кўрган. Автомобиль эгаси бошқа жойга кўчишига тўғри келгани учун Ferrari’ни сотишга рози бўлган. Харид амалга ошди, аммо унинг суммаси ошкор этилмаяпти.

Деворни қайтадан бузиб, Ferrari’ни хонадондан чиқариб кетишди. Адвокат реставрация ишларини давом эттирмоқчи.