Қайси мамлакатда машинали бўлиш қиммат?
LeasePlan лизинг компанияси экспертлари ўрганилган 24 мамлакатнинг қайси бирида машинадан фойдаланиш қанчага тушишини аниқлади.
Шахсий автомобилга эга бўлиш Норвегия фуқаролари учун энг қимматга тушаркан. Бензинли двигателга эга автомобиллар ойига 708 евро сарфлайди. Италияликлар эса суюкли машинаси учун ойига 678 евро сарфлаб, рўйхатнинг иккинчи поғонасидан жой олган. Ойига 673 евронинг баҳридан ўтадиган данияликлар эса учликни ёпади. Бу рейтингда 16-ўрин Россияга насиб қилган. Бензинли автомобиль бир ойда россияликка 468 еврога тушаркан.
Мамлакат | Бензинли двигатель | Дизелли двигатель |
Норвегия | 708 | 681 |
Италия | 678 | 621 |
Дания | 673 | 565 |
Финляндия | 657 | 684 |
Швейцария | 648 | 544 |
Нидерландия | 514 | 695 |
Швеция | 561 | 550 |
Бельгия | 547 | 538 |
Австрия | 537 | 532 |
Ирландия | 537 | 513 |
Автомобилдан фойдаланиш энг арзонга тушадиган мамлакат Венгрия бўлиб чиқди. Венгерлар ойига 364 евро сарф қилади.
Рейтинг тузишда машинанинг амортизацияси ҳисобга олинган. Жами харажатнинг, тахминан, 37 фоизи машина таъмири ва хизмат кўрсатишга кетади. Йўл йиғимлари ва солиқлар 20 фоизни ташкил этади. Харажатнинг 16 фоизи ёнилғига тўғри келади. Чиқимларнинг 84 фоизи белгилаб қўйилган нархлардир.