Нидерландия баггиси 700 от кучига эга бўлади (видео)

Голландларнинг Kronenburg Autosport компанияси тўла узатмали ноёб вездеход ясади.

Багги деганлари ўтувчанлиги юқори ишланган кичик енгил автомобиллигини аввалги хабарларимизда айтиб ўтганмиз. У йўлсиз шароитда юрганлиги сабабли қанча қуввати кўп бўлса, шунча яхши. Масалан, Британиянинг Ariel Nomad русуми 360 от кучига эга бўлиб, энг юқори тезлиги 200 км/соатдан ортади ва юз тезликка 3,5 сонияда эришади. Энди 700 отнинг кучи бор вездеходнинг шиддатини ўзингиз тасаввур қилаверинг.

Kronenburg Autosport компанияси пойга автомобиллари двигателининг бошқарув блокини ишлаб чиқариши билан танилган. Бу сафар голландлар тўла узатмали багги ясашга қарор қилди. У ихчамроқ аммо, Audi TT RS спорткупесининг двигатели ўрнатилганлиги туфайли шиддатли машинага айланди.

Унинг, ҳаттоки, кузови йўқ! Машина яланғоч кўринишда. Аммо катта тезликда ҳаракатланганда аждардек ўт пуркашини видеода томоша қилинг.