Йил охирида Urus суперкроссоверини қарши оламиз

Lamborghini 2017 йилнинг охирида Urus деб номланган кроссоверни намойиш этишини билдирди.

Бу Lamborghini тарихидаги иккинчи SUV ҳисобланади. Биринчиси 1986-1993 йилларда чиқарилган тўпори қиёфали LM002 бўлади. У жуда кам нусхада ишлаб чиқарилган. Urus эса ялпи ишлаб чиқарилиши учун барча сабаблар етарли. Британиянинг AutoExpress нашри Urus 2019 йилдаёқ марка савдосининг 50 фоизини ташкил этиши ҳамда асосан Яқин Шарқ, АҚШ ва Хитойда сотилишини ёзди.

V8 двигатели олти юз от кучига эга бўлади. Тўла узатма билан ишлайди.

“Урус” 250 минг доллар атрофидаги нархда сотилиши кутиляпти. Бу суперкар учун унча катта нарх эмас.

“Урус”дан кейин унинг гибрид версияси тайёрланади. Бунда италиялик автомобилсозларга Audi мутахассислари ёрдамлашади. Lamborghini ҳозир Volkswagen AG оиласига мансублигини эслатиб ўтамиз.