Қимматбаҳо автомобилларга ўрнатилган қимматбаҳо соатлар (фотогалерея)

Daryo.uz нашри машҳур соатсоз компанияларнинг логотипларини қандай автомобилларда кўриш мумкинлиги ҳақида ёзмоқда.

IWC

Швейцариянинг Шаффхаузен шаҳрида жойлашган IWC компанияси хронометри фақат AMG версиясидаги автомобилларда учрайди. Бундан ташқари, IWC AMG логотипли қўл соатларини ҳам чиқаради.

IWC’нинг люкс соати Mercedes-Maybach салонига ҳам ўрнатилган.

Breitling

Крюдаги заводни тарк этадиган Bentley автомобилларининг деярли барчаси Breitling элегант хронометри билан жиҳозланган. Bentley Bentayga’га ўрнатиладиган эксклюзив турбийон эса олтин ва бриллиантлар билан безатилган бўлиб, қиймати бутун машина нархига тенг.

Bremont

Британиянинг Bremont ва Jaguar брендлари ўртасидаги келишув натижаси ўлароқ, Jaguar C-X75 концептуал суперкари ва ХJ75 Platinum суперлимузинига Bremont соатлари ўрнатилди.

Parmigiani Fleurier

2009 йилда намойиш этилган Bugatti Galibier концептуал седанида Parmigiani Fleurier соатлари ўрнатилганди. Уларни торпедодан олиб, билакка тақиш ҳам мумкин эди.

Thommen

Thommen компаниясининг соат механизми ўрнатилган Rolls-Royce Phantom Coupe биринчи марта беш йил аввал тақдим этилган эди.

BRM Chronographes

Автомобиль ишлаб чиқарувчи ва соат маркаси ўртасидаги энг сўнгги ҳамкорлик намуналаридан бири — энг янги DS 7 кроссоверига ўрнатилган R180 хронографи, у BRM Chronographes фирмаси томонидан яратилган.