Mercedes-AMG Porsche Panamera рақобатчисининг видеосини кўрсатди

Женева автокўргазмасига доир янгиликларни тарқатишни бошлашимизга оз қолмоқда. Хабарда тилга олинган Mercedes-AMG GT Concept тақдимоти ҳам Женевада тез орада ўтказилади.

Автомобилнинг дастлабки расмий сурати кўрсатилганига кўп бўлмади. Янги GT “Порше Панамера”, BMW 6 Series GranCoupe ва Audi A7/RS7 билан беллашиши кутилмоқда.

Қуйидаги 14 сонияли лавҳада Mercedes-AMG GT нишона нусхасига орқани кўрсатувчи камералар ўрнатилгани, радиатор панжараси катталаштирилгани ва нур диодли оптикасини кўриш мумкин.

Норасмий хабарларга кўра GTга 8 цилиндрли, 4 литрли мотор ўрнатилади. Унда олти юз отнинг кучи жам бўлади. Авторусум 2018 йилдан Европада сотила бошлайди.

Энди эса қисқагина видеони томоша қилинг.