Фотолавҳа: Женева автосалонига келтирилган автомобиллардан намуналар

2017 йил 7 март куни жаҳон автомобиль саноати ва автоишқибозларнинг эътиборини тортадиган йирик автокўргазмалардан бирига старт берилди. Швейцариянинг Женева шаҳрида моторшоу бошланди. «Колёса.ру» сайти ушбу кўргазмада намойиш этиладиган автомобиллар рўйхатини тузиб чиқди. Kun.uz уларнинг айримларини эътиборингизга ҳавола этади.

Opel

Бир неча кун аввал GM концернидан PSA компаниясига сотилган Opel Женевада Insignia номли универсал ва лифтбекини намойиш этади. Бу унинг асосий тақдимоти бўлади.

Mercedes-Benz

Германиянинг дунёга машҳур компанияларидан бири — Mercedes компанияси бурчаги одатдагидек одамларга лиқ тўла бўлиши табиий. Бу ерда биринчи марта Mercedes-Maybach G 650 Landaulet SUV модели намойиш эталади.

Бундан ташқари, Mercedes-AMG E-Class негизидаги универсалларини тайёрлаб қўйган. Бундан ташқари, миш-мишларга кўра, Mercedes-AMG X290 номи билан таниқли янги седанини ҳам мижоза эътиборига ҳавола этиши мумкин. Женевага, шунингдек, Mercedes-Benz компаниясининг янгиланган GLA кроссовери олиб келинган. SL ва SLC родстерларининг жаҳон тақдимотлари ҳам айнан шу ерда бўлиб ўтади.

BMW

Германиянинг яна бир донғи кетган компанияси BMW Женева автосалонига янги авлод BMW 5 Series Touring моделини келтиради. Ушбу компания бурчагида BMW i8 гибрид спорткупесидан баҳра олиш имкони ҳам тақдим этилади.

Rolls-Royce

Rolls-Royce ўз анъанасига содиқ қолган ҳолда автомобиль ишқибозларини лол қолдиришда давом этади. Хусусий коллекционер компанияга ўз бурчагида Ghost Elegance моделини намойиш этишга рухсат берди. Гап шундаки, бу машинанинг биргина бўёғи жуда катта пул туради. Чунки, бўёқ таркибига минглаб майдаланган олмос доналари қўшилган.

Bentley

Британиянинг яна бир компанияси Bentley ҳам Женевада ўзининг эксклюзив моделлари билан мухлисларини хурсанд қилади. Бу Mulliner дизайн ательеси ишлов берган Bentley Bentayga бўлади. Ундан атиги 50 дона олтин ва кумуш тусда ишлаб чиқарилади.

Porsche

Ўтган йилги Женевада йирик Panamera седани универсалга айлантирилган эди. Бу йил ниҳоят Porsche кроссовер ишлаб чиқаришга аҳд қилганининг гувоҳи бўламиз.

Volkswagen

Volkswagen Женевада Passat CC ўрнини эгалловчи янги модели — купесифат Arteon седанини тақдим этди. У шу йил охирида дилерларда пайдо бўлиши мумкин.

Audi

Германиянинг люкс машиналари ишлаб чиқарувчи компанияларидан бири Audi RS 3 Sportback спорткарини Женевага келтирди. Бундан ташқари, компания Audi Q8 RS кроссоверини ҳам намойиш этади.

Land Rover

Ҳа, британияликлар Женевага қуруққўл билан келишмаган. Машҳур Land Rover янги кроссовери RR Velar моделининг жаҳон тақдимотини ўтказади. Модель Evoque ва Range Rover Sport оралиғида жойлашади.

Lexus

Япония компанияси январь ойида Детройтда бешинчи авлод Lexus LS 500 моделини намойиш этганди. Женевага эса, LS 500h гибриди олиб келинган.

Pagani

Горацио Пагани сўнгги лаҳзаларгача Huyara родстерининг тизерларини намойиш этиб келди. Бироқ, Женевагача ўзининг ҳам сабри етмади ва суратларини намойиш қилиб қўя қолди.

Ferrari

Италияликлар янги 812 Superfast модели билан суперкар ишқибозларини яна лол қолдиришни истаган. Унга 800 от кучига эга V12 мотори ўрнатилган.

McLaren