Lotus 800 кгли спорткар тайёрлади
Lotus компанияси Elise купесининг янги махсус версиясини расман тақдим қилди. Бу ўз бўғимидаги энг енгил автомобиль ҳисобланиб, 798 кг тош босади.
Автомобилга литий-ионли енгилгина батарея ўрнатилган, кузов қисмлари карбондан ишланган.
Lotus Elise Sprint 1,6 литрли атмосферали моторга эга. Турли версияларининг қуввати 135 ва 220 от кучига тенг. Иккала двигатель ҳам олти поғонали механик узатмалар қутиси билан ишлайди.
1,6 литрли моторга эга Lotus Elise Sprint 5,9 сонияда юз тезликка чиқади. 1,8 литрли машина эса бунга 4 сония вақт сарфлайди.
Lotus Elise Sprintнинг қуввати кам версияси Британияда 37 300 фунтдан сотилади. Кучли версияси эса 44 400 фунт туради.
Шундай қилиб Lotus Elise бўғими икки вариантдан иборат бўлди: Sport ва Sprint.