Жорж Бушнинг “Форд” автомобили кимошдида сотилмоқда

Шу кунларда америкаликлар ўз президентларининг автомобилини сотишга киришган, чамаси. Доналд Трампнинг Ferrari F430 автомобили сотилганидан сал ўтмай АҚШнинг 43-президенти кичик Жорж Бушнинг машинаси кимошдига қўйилди.

Гап Ford F-150 пикапи ҳақида кетмоқда. Уни Буш 2009 йилда олган ва рафиқаси Лора Бушни олиб Техасда айланиб юрган.

Оқ рангли автомобилга 5,4 литрли V8 двигатель ўрнатилган бўлиб, қуввати 310 от кучига тенг. Босиб ўтган йили ошкор этилгани йўқ, аммо Бушдан ташқари яна камида бир эгаси бўлган.

Бушнинг Ford F-150 машинасининг бошқалардан фарқли жиҳатларини айтиб ўтиш керак. Масалан, салонига сарғиш ва жигарранг тусли чарм сирилган. Олд панелида эса собиқ президентнинг дастхати бор.

Буш жанобларининг автомобилининг савдоси Barret-Jackson кимошдисида 8 апрел куни ўтказилади. Қанча нарх айтилиши номаълум. Ўтган гал 300 минг долларга сотилган бўлса, бу сафар ундан ҳам баланд нархда кетишига умид бор.

Диққатга сазовор жойи шундаки, тушган пул хайрияга сарфланади. Трампнинг машинасининг куни Бушнинг машинасига тушмаса бўлди, унинг “Феррари”си кутилганидан озроқ нархда сотилган.