Matiz Россияда аёлларнинг ёқимтойи

Россиялик автомобиль журналистлари аёлларнинг фикрини ўрганиб, улар энг ёқтирган беш автомобилни танлади. Рус аёллари энг севган машина Mini Cooper бўлиб чиқди. Рўйхатнинг иккинчи поғонасидан Audi A1 жой олган бўлса, Mercedes-Benz A-синф учинчи қаторда қайд этилди. Тўртинчи ўринда Kia Picanto корейс русуми. Бешинчи ўринда ўзимизнинг Daewoo Matiz.

Аёл ҳайдовчилар биринчи навбатда автомобиль дизайнига эътибор қаратади. Нозик жинс вакилларини автомобиль кўриниши ва интерьернинг безаклари жалб этади. Кўпчилик аёллар автомобиль катталигига ҳам диққат қаратади, уларга ихчам машина маъқулроқ. Бундан ташқари, бошқарув қулайлиги ҳам уларнинг назаридан четда қолмайди. Машинанинг техник кўрсаткичларига эса кўпам эътибор беришмайди.

Сиз сarzone.uzнинг автомобилларга бераётган тавсифидан хабардормисиз? Daewoo Matiz ҳақида ушбу ҳаволада ўқишингиз мумкин.