Hondaнинг янги электромобили ривожланаётган мамлакатларга аталади

Renault-Nissan, Volkswagen ва бошқа автомобилсозлик компаниялари батареяли машина ишлаб чиқаришга киришгандан сўнг, Honda ҳам уларнинг изидан боришни танлади. Бу ҳақда Шанхай автосалонида бренднинг маҳаллий раҳбарларидан бири Ясухиде Мизуно сўзлаб берди. Мизунонинг айтишича, 2018 йилнинг охиригача “Хонда” электромобили кўргазма залига келади.

Аниқ русум номини айтишга, ҳозирча, жуда эрта. Аммо у “Хонда”нинг хитойлик ҳамкорлари томонидан йиғилиши бор гап. Hondaнинг Хитойдаги ҳамкори Dongfeng автомобилсозлик компанияси бўлади.

“Хонда” Хитойда учинчи йиғув заводини ташкил этишни режалаштирган. Завод 2019 йилдан ишга тушади ва йилига 600 мингтадан автомобиль ишлаб чиқара бошлайди.

Шу кунларда Honda диққатини Европа бозорларида сотилаётган Clarity электромобилига қаратаётибди. Ой бошида Нью-Йоркда кўрсатилган Clarity мутлақо зарарли газ ё тутун чиқармайди. Унинг водородли ва гибрид версиялари бор.