Экспертлар энг ишончсиз автомобилларни аниқлади

Американинг J.D. Power and Associates компанияси экспертлари автомобилларнинг турли вазиятларда ишончлилигини тадқиқ қилди. Мазкур тадқиқотда америкалик 80 мингдан зиёд автоҳаваскор иштирок этди.

Синалаётган машина бўйича муфассал тест тузилган бўлиб, унда автомобиль сотиб олингандан сўнг уч ойгача бўлган даврда фойдаланишга доир аниқ саволларга жавоб берилиши лозим.

Батафсил жавобларга қараб бирор-бир русумнинг ишончлилик рейтинги аниқланди. Муайян русумнинг юзтасига тўғри келувчи носозликлар сони белгилаб олинди. Агар юз машинадан камроғи бузилган бўлса, демак унинг ишончлилик даражаси юқори саналади.

Энг кам ишонч боғлаш керак бўлган автомобиль FIAT бўлиб чиқди. Тегишли давр ичида ҳар юзта “Фиат”дан 164тасида бузилиш ҳодисаси кузатилган. Jaguar эса ишончсизлик рейтингининг иккинчи поғонасида, унда 148та ҳолат. Volvo эса улардан бирмунча ишончлироқ — 135 ҳолат.

Land Rover маркасининг 100 автомобили уч ой мобайнида 131 марта носозликка учраган.