Венесуэла президенти яширин равишда машина ҳайдаб мамлакатдаги аҳволни кузатди (видео)

Венесуэла президенти Николас Мадуро Каракас бўйлаб махфий тарзда автомобилда айланди, деб ёзди Кун.уз сайти.

Президентнинг автомобилда ҳаракатланиши видеога олиниб, интернетда жойлаштирилди. Мақсад – мухолифат томонидан эълон қилинган иш ташлашнинг муваффақиятсизликка учраганини кўрсатиш эди.

Мадуро видеоёзувда ишлаётган кишиларни кўрсатган. Маълум қилинишича, мухолифат фуқаролар Миллий таъсис йиғилишини чақиришга қарши бўлиб, ишга чиқмаётганини иддао этаётган бўлса-да, бу ҳақиқатдан йироқ экан.