Хитойликлар Audi Q3’ни «клонлаштирди»

Хитойнинг Zotye компанияси Чэнду автосалонида янги модель — ташқи кўриниши Audi Q3’дан S21 компакт кроссоверини намойиш этди. Машина фотосуратлари CarNewsChina нашри томонидан чоп этилган.

Автомобиль ҳажми 1,5 литр бўлган бензинли турбомотор ва беш босқичли узатмалар қутиси билан таъминланган. Қўшимча тўлов эвазига автомобилнинг автомат узатмали талқини тақдим этилади. Машинанинг бошқа техник тафсилотлари маълум эмас.

Эътиборли томони, машина интерьери Audi Q3’дан кўчирилмаган. Олмон кроссоверининг салонидан хитойликлар фақат узатмалар қутиси ричагини кўчиришни маъқул деб топган. Марказий панелда Android операцион тизими остида ишлайдиган катта сенсор экранли мультимедиа тизими жойлашган.

Бунгача Zotye маркаси остида Volkswagen Touareg йўлтанламаси ва Porsche Macan кроссоверининг клонлари ишлаб чиқарилган эди. «Порше» вакиллари Хитой компанияси устидан судга шикоят қилишга ваъда берганди.