Экспертлар “АвтоВАЗ”нинг энг машҳур автомобилини аниқлашди

Яқинда таҳлилчилар АвтоВАЗ концернининг энг харидоргир автомобиллари рейтингини тузишди.

Ушбу рейтингда пешқадамликни Lada Granta қўлга киритди. Ўтган 11 ой ичида июль Granta бозори энг қизиган мавсум бўлган ва 11845 дона машина сотилган.

Иккинчи ўринда Lada Largus бўлиб, ноябрь ойида бу моделдан 3184та сотилган. Учинчи ўринга Kalina лойиқ топилди, ноябрь ойида 1834 нусха автомобиль харидорини топган. Айнан ноябрь ойида 1473 дона Lada Priora ҳам сотилган.

Автоконцерннинг ноябрь ойида жами сотилган автомобиллари сони 21580тани ташкил этади. Бу ўтган йилнинг шу ойидаги кўрсаткичдан 29 фоизга кам.

Концерн вакиллари машина ишлаб чиқариш тўхтатилиши ҳақидаги миш-мишларни рад этишди. Мутасаддиларнинг расмий баёнотига кўра, Тольяттидаги йиғувчи конвейерлар фаолияти давом этади.

15 декабрдан Lada Xray ишлаб чиқариш бошланди. Машина савдога февралдан сўнг чиқарилиши мумкин.

Тошкентдаги Lada автосалони орқали Lada автомобилларига буюртма бериш имкони бор.