Rolls-Royce ғилдираклар базаси узайтирилган Phantom’ни намойиш қилди

Rolls-Royce компанияси  Phantom седанинг ғилдираклар базаси кенгайтирилган янги намунасини намойиш қилди.

Янги автомобиль Sunrise Phantom Extended Wheelbase номини олди. У қуёш нурини ютиши натижасида ўз рангини ўзгартирадиган махсус бўёқ билан қопланган.

Седан салонига янгича ўриндиқ ўрнатилган бўлиб, чарм билан қопланган. Шунингдек, салон янгича бошқарув панели билан таъминланган.

Автомобиль бензин билан озиқланувчи 6,75 литрли V12 мотор билан ҳаракатга келади. Двигатель қуввати эса 460 от кучини ташкил этади. Мотор саккиз босқичли автомат тезлик узатмалар қутиси билан биргаликда ишлайди.

Автомобиль алюмин рамали, углерод толали кузовга асосланган мутлақо янги конструкцияга эга бўлади. Фотосуратдан кўриш мумкинки, машинанинг ташқи кўриниши ҳам ўзгаришларга учраган. Phantom ўзининг аввалги намуналаридан кичрайтирилган йўл ёриткичлари, шакли ўзгартирилган ҳаво жамлагич ва бошқача радиатор панжараси билан фарқ қилади. Машина двигатели ўрнига гидрид намунанинг ҳам жойлаштирилиши эҳтимолдан йироқ эмас. Унинг бошқа техник хусусиятлари сир тутилмоқда.

Айни пайтда Rolls-Royce компанияси янги авлод Phantom`ини синовдан ўтказмоқда. Унинг илк намойиши эса 2017 йилда бўлиб ўтади.