Chevrolet Niva янги авлодининг суратлари эълон қилинди

Интернетда серияли ишлаб чиқариладиган иккинчи авлод Chevrolet Niva йўлтанламасининг патентланган суратлари пайдо бўлди. Иллюстрациялар Россиянинг Интеллектуал мулк бўйича федерал хизмати (“Роспатент”) базасига жойлаштирилди.

Суратлардан кўриш мумкинки, модель 2014 йилда Москва автосалонида тақдим этилган шу номдаги концепт-кар услубида ишлаб чиқилган. Прототип наддув(босими атмосфераникидан юқори бўлган ҳаводан озиқланадиган)сиз 1,8 литр ҳажмли Peugeot двигатели билан таъминланган эди. 135 от кучига эга двигатель беш босқичли механик трансмиссия (тезлик узатмалар қутиси) билан ҳаракатланади.Chevrolet Niva`нинг навбатдаги авлодини серияли тарзда ишлаб чиқариш 2015 йил охиридан Тольяттидаги 2013 йилда қурилиши бошланган “GM-АвтоВАЗ” заводида йўлга қўйилиши маълум қилинди. 2015 йил май ойида мазкур заводнинг ишга туширилиши тўхташи ҳақида хабарлар тарқалган эди. Аммо “GM-АвтоВАЗ” лойиҳа устида ишлар давом эттирилишини эълон қилди.