Tesla Хитойда ўз автомобиль заводини қуради

АҚШнинг Tesla автокомпанияси Хитой ҳудудида ўз заводини қуришни мўлжаллаяпти. Хитойда автомобиль ишлаб чиқарилиши Америка компаниясига кенг истиқбол очади, чунки жаҳондаги энг катта автобозор эгаси Хитой саналади. Яқин йилларда осмоности мамлакатида Tesla электромобилларини ишлаб чиқарувчи комплекс қад ростлайди.

Айтиб ўтиш керакки, сўнгги йилларда хитойлик харидорлар электр билан озиқланувчи авторусумларга кўпроқ рағбат билдирмоқда.

Ҳозирги вақтда Америка концерни электромобилларини океан орқали Хитойга етказиб беряпти. Табиийки, хитойликлар учун машина нархи қимматлашади. Ўтган йили АҚШда 50 мингдан зиёд Тесла маҳсулоти сотилгани ҳолда, Хитойда атиги 1440та сотилди. Америкаликлар харидорнинг ўз “уйида” завод қуриш билан машина баҳосини сезиларли пастлатишга эришмоқчи.

Tesla Motors электромобиллар ишлаб чиқаришга ихтисослашган компания ҳисобланади. 2003 йилда асос солинган.