Tesla Model S электромобиллари пойга чизиғида

2017 йилда Европада Electric GT World Series чемпионатининг биринчи босқичи ўтказилади. Уни тижоратчи Марк Жеммел ва Формула-Е пилоти Агустин Пайя ташкил этишади. Пойгада 10 жамоа ва 20 машина қатнашади. Бу монокубок саналиб, мусобақалар учун ягона Tesla Model S русуми танланган. Пойгабоп, тезкор ва кучли Тесла русумлари осмаси, кучайтирилган тормоз механизми, такомиллаштирилган совутиш ва руль бошқарув тизими, вазни енгиллиги, аэродинамик элементлари билан фуқаро русумларидан фарқ қилади. Двигатели ва батареялари ўзгармаган, чунки уларнинг ўзи етук ишланган.

Тесланинг пойгабоп русумлари Барселона-Каталунья ва Харама йўлларида синовдан ўтказилди. Натижада электромобиль энг талабчан FIA хавфсизлик стандартига жавоб бериши аниқланди.

Келгуси йилда Европа, Америка ва Осиёда еттита пойга тадбири ўтказилиши режалаштирилган. “Биз Тесла машинасини атай танладик, чунки бу ғаройиб электромобиль пойгада ғалаба учун яратилгандай”, дейди ташкилотчилардан бири Пайя.