BMW 5-Series Touring универсали 2017 йилдан савдога чиқарилади

Германиянинг BMW компанияси янги авлод 5-Series Touring автомобиллари устида иш олиб бормоқда. Фотожосуслар Европада синовдан ўтказилаётган универсални тасвирга олишга муваффақ бўлишди. Autocar маълумотларига кўра, янги модел 2017 йилда савдога чиқарилади. Унга Audi A6 Avant, Jaguar XF Sportbrake ва янги Mercedes-Benz E-Class асосий рақобатчи бўлиши кутилмоқда. Автомобиль дизайнида 7-Series ва Gran Lusso Coupe concept қирраларини кўриш мумкин.

Унинг юкхона ҳажми 560 литргача кенгайтирилган, иккинчи қатордаги ўриндиқлар йиғиштирилган тақдирда, бу кўрсаткич 1670 литргача ортиши мумкин. Шунингдек, универсал янги ёруғлик диодли оптика, бошқачароқ бампер ва кўриниши ўзгартирилган радиатор тўри билан таъминланган. Автомобилга 2 ва 3 литр ҳажмга эга бензинли, шунингдек, олти цилиндрли 3 литр ҳажмга эга дизелли турбомотор жойлаштириш кўзда тутилган. Бундай двигателнинг қуввати 400 от кучини ташкил этиши мумкин. Кейинроқ эса моделга 1,5 литр ҳажмга эга бензилли турбомотор ҳам ўрнатилади.

Шу билан бирга, универсалнинг гибрид намунаси ҳам ишлаб чиқарилади. Унинг двигатели таркибидан 2 литр, 4 цилиндрли бензин турбомотори ва электромотор ўрин эгаллайди. Шулар билан универсал «юраги» 242 от кучига эга бўлади.

Компания муҳандислари седан кўринишидаги 5-Series авлоди устида ҳам иш олиб боришмоқда. Унинг илк намойиши 2016 йил июнь ойида бўлиб ўтиши керак. Автомобиль янгича кўринишдаги радиатор панжарасига эга бўлиб, ҳаво йиққичи ҳажми кенгайтирилади, эшиклари кўриниши ҳам ўзгариб, ғилдирак дисклари алмаштирилади. Машина 35up платформаси асосида қурилади. Автомобиль ишлаб чиқаришда углерод толаларидан фаол қўлланилади. Бу эса моделнинг 100 килограммгача енгиллашишига хизмат қилади. Седаннинг мотор гаммасини олти цилиндрли 3 литр ҳажмга эга TwinPower Turbo ташкил этади. Двигател қуввати эса 265 от кучига эга. Шунингдек, 326 от кучини ташкил этадиган 3 литрли двигатель ҳам ўрнатилади.

Хабарда 1,5 литрли, 200 от кучига эга янги уч цилинрли турбоагрегат ўрнатилиши ҳақида ҳам сўз боради.