Қозоғистонда Ladaнинг уч янги русумини йиғиш бошланди
Қўшни Қозоғистоннинг “Осиё Авто” заводида “Лада” йиғила бошлангани ҳақида корхонадаги манбалар хабар тарқатди. Ахборотга кўра, йиғилган машиналар фақат Қозоғистон ҳудудида сотилади.
Ўскемен (Уст-Каменогорск) шаҳрида жойлашган ушбу завод Lada Priora янги версиясини ҳам ишлаб чиқаради. Ҳозирча, бу русум ҳақда тўлиқ маълумот йўқ. Келгуси йил бошидан эса XRAY кроссовери ҳам завод авторусумлари сафига қўшилади.
Шу кунларда куздан бошлаб Lada русумлари арзонлашиши ҳақида гап-сўз тарқалди, бироқ расмий тасдиғини топганича йўқ. Қозоғистонда ишлаб чиқарилган барча автомобилларни имтиёзли кредит дастури асосида харид қилиш мумкин бўлади.