Япониялик тюнерлар кўзни қамаштирувчи Tesla Model S 85D тайёрлади

Tesla Model S 85Dни яп-янги электромобиллар қаторига қўшиб бўлмайди. Аммо электрокар барчанинг диққатини тортишда давом этмоқда. Аксар тюнинг ательелар электромобилларни модернизациялашдан бош тортади. Шунга қарамай, японларнинг Office-K ательеси Тесла машинасига ғоят жозибали тус ато қилди.

Электромобилга бошдан-оёқ хромланган плёнка қопланди ва у кўзни қамаштирувчи ярқироқ тус олди. Бундан ташқари Artisan Spirit номли бошқа япон компаниясининг карбондан ясалган аэродинамик элементлари қўшилди.

Машинага икки хил рангда товланувчи 22 дюймли ғилдирак дисклари ўрнаштирилди. Шина кесими юпқалиги, машина осмаси пасайтирилгани ғилдиракни янаям катта кўрсатишига эътибор беринг.

Дарвоқе, Tesla Model S 85D электромобили 416 от кучига эга, юз тезликка 5,4 сонияда эришади, энг юқори тезлиги 250 км/соатлигини эслатиб ўтишимиз жоиз.