Scania янги авлод юк автомобилларини намойиш этди

Юк машиналари секторида янги авлод автомобилларининг тақдимоти, чиндан ҳам, катта ҳодиса. Одатда, муайян модель ўзгаришларсиз бир неча йил давомида ишлаб чиқарилади.

Scania юк машиналарининг тўртинчи генерацияси бундан 20 йил аввал – 1996 йилда намойиш этилган эди.

Янги авлод моделларини лойиҳалаш ишлари бундан 8 йил олдин бошланган, компания бутунлай янги дизайн яратиш мақсадида Италиянинг Bertone кузов студиясининг хизматларидан фойдаланган.

Таъкидлаш керак, янги қатордаги юк автомобилларининг реализацияси бир нечта босқичда амалга оширилади. Қурилиш, узоқ масофага мўлжалланган ва юк ташувчи қаторидаги моделлар турли вақтларда сотувга чиқарилади. Айни пайтда жорий 4-авлод моделларининг сотуви ҳам тўхтатилмайди.

Моделлар қаторида текис полга эга S серияси пайдо бўлган. Бошқа тафсилотлар кейинчалик эълон қилинади.