Жапон, жапон дейсан, мана жапон амфибия машина яратаётган экан!

Autoguide нашрининг хабарига кўра, Япониянинг Yamaha компанияси амфибия-автомобиль дизайни устида ишлаётган экан.

Амфибия-автомобиль ҳам қуруқликда, ҳам сувда бирдек ҳаракатланиш хусусиятига эга бўлиши мумкин.

Япониянинг патентларни назорат қилиш ташкилотида ғилдираклари кузов қисмига йиғилиб, автомобилга қайиқ шаклига киришга имкон яратадиган транспорт воситаси рўйхатдан ўтказилган. Патентда келтирилган таърифда айтилишича, транспорт воситасининг ғилдираклари автомобиль корпусига йиғилади ва бунда уларга кенг жой зарур бўлмайди.

Двигатель ва бошқа компонентлар тўғрисида маълумот берилмаган. Бироқ патентда транспорт сув устида ҳаракатланиш учун акваген моторларга эга бўлиши тасдиқланган.

Yamaha яқинда компаниянинг мотоциклларида ўрнатилган мотор билан қуваатланган кичик спорткар концептининг тизерини тарқатган эди. Концепт Sports Ride номи билан юритилган. Бироқ концептнинг ялпи ишлаб чиқаришга қачон чиқиши тўғрисида ҳеч қандай маълумот берилмаган.

Компания спорт саноатидан автомобиль саноатига ўтиш мақсадида бўлса керак. Чунки бундай патентлар кишини шундай хулоса қилишга ундайди. Ҳар ҳолда мана шундай амфибия автомобиллар, Yamaha ҳали мавжуд бўлмаган технологиялар билан автомобилсозлик соҳасида ўз ўрнини эгаллашидан дарак беради.