Novitec Rosso ательеси Ferrari 488 Spider суперкарининг от кучини оширди

Немис автомобиль ательеси Novitec Rosso ўзининг янги тюнинг дастури доирасида Ferrari 488 Spider суперкарининг имкониятларини сезиларли даражада оширди.

Юқори қувватли автомобилга бир қатор ўзига хос функциялар татбиқ этилди. Энг муҳими, у қайта ишланган 772 та от кучидаги двигателга эга бўлди.

Ferrari 488 Spider суперкарининг модернизацияси учун Novitec Rosso махсус дастурни ишлаб чиқди. Суперкардаги бирорта компонент алмаштирилмаган. Автомобилдаги 3, 9 литрли V8 твин-турбо мотори 772 от кучига эга бўлиб, айланиш моменти 892 Ньютон метрга ўзгарди. Моделнинг анъанавий версияси эса 670 та от кучи билан қувватланган, айланиш моменти 760 Нм.

Расмий пресс-релизда берилган ахборотга кўра, кучайтирилган Ferrari 488 Spider 2,8 сонияда 100 км/соат тезликка эриша олади. Унинг максимал тезлиги – 341 км/соат.

Бундан ташқари, модель олд сплиттер, орт диффузор, спойлер ва қўшимча карбонли кузов қисмларини ўз ичига олган аэродинамик тўсгич билан таъминланган. Шунингдек, машинага 21 дюймли махсус ясалган гидравлик механизмли ғилдираклар ўрнатилган.

Аввалроқ ушбу немис ательеси Ferrari 488 GTB модели учун ҳам модернизациялаш дастурини эълон қилган эди. Унинг қуввати ателье томонидан 772 та от кучига оширилган.