Tesla: янги минивэн рендери

2017 йилда S, X ва 3 моделларини ишлаб чиқаришдан ташқари, АҚШнинг электромобиль компанияси Tesla Motors “SolarCity” (“қуёшли шаҳар”) номли технологик шаҳарчани барпо этишни режалаштирган. Шунингдек, компания раҳбари Илон Маск томонидан нашр этилган “мастер-режа”да бир қатор янги трендлар ва келгуси икки йил ичида тайёрланиши кутилаётган янги транспорт воситаси – микроавтобуслар ҳақида хабар берилган.

Электрда ҳаракатланадиган микроавтобус Model X базасида яратилиши тахмин қилинмоқда. Минивэн дизайни эса компаниянинг базавий модели асосида яратилади, албатта, бунда моделнинг орқа панели ўзгартирилади.  Ушбу фикрни дизайнер Феофил Чин тарафидан нашр этилган рендер ҳам тасдиқламоқда. Агар автомобилнинг олд қисми Model X электрокарига ўхшаса, орт кузов кенг форм-факторли минивэн шаклида ишланган. Аввалроқ матбуотда автомобиль Model Y номини олиши ва 2017 йилда намойиш этилиши тўғрисидаги хабарлар пайдо бўлган эди.