2016 йилнинг энг интиқиб кутилаётган автомобили Acura NSX

Британиялик журналистлар фикрига кўра, келгуси йилда энг орзиқиб кутилаётган ва истиқболи юксак автомобиль — Acura NSX япон суперкари. Ушбу моделни Honda автоконцерни ишлаб чиқаради.

Аниқроғи, келгуси йилнинг энг яхши автомобили номига даъвогарлар рўйхатининг биринчи қаторида Acura NSX турибди. 2016 йилда намойиш этиладиган барча яп-янги машиналар мазкур рўйхатдан жой олган. Экспертлар барчаси рўйхатда Acura NSXнинг тенги йўқлигини тасдиқлашади. Японларнинг бу суперкари Европада Honda маркаси билан тақдим қилинади.

Эслатиб ўтиш керакки, супер авто концепти, дастлаб, 2012 йилда кўриниш берган эди. Мутахассислар прототипнинг барча яхши элементларини Acura NSXнинг серияли модификациясига мужассамлайдилар. Автомобиль бозорларида уч электродвигателли (гибрид мотор) Acura NSX спорткарини учратишимизга оз фурсат қолди.