2017 йилда қизиқиш билан кутилаётган беш янги автомобиль

1. Hyundai Solaris

2017 йилнинг энг асосий янгилиги Hyundai Solarisнинг иккинчи авлодидир. Машинага қисқача таъриф берадиган бўлсак, 1,4 (100 от кучи) ва 1,6 литрли (123 от кучи) моторларга эга, олти поғонали узатмалар қутиси бўлади. “Солярисни” кўп кутмаймиз, расмий тақдимоти 6 февралга белгиланган. Дилерларнинг қўлига мартда етиб келади.

2. Kia Rio

Hyundai Solarisдан кейин Kia Rio овозаси тарқалади. Кореяда машинани К2 номи билан тақдим этишди. Rio ва Solarisнинг двигателлари бир хил. Қўшимча жиҳозлари ҳам ўхшаш.

Бироқ Kia ва Hyundai ташқи қиёфаси кескин фарқланади. Hyundai “Элантра” седанидан ранг олган бўлса, “Рио” Kia Optima услубида тайёрланган.

3. Lada Vesta универсали

Толятти автокорхонаси оғир шароитда эканлигига қарамасдан қўл қовуштириб тургани йўқ. Lada Granta ва Kalinaнинг бозори сустлашиши билан Vesta бозорга чиқди ва яхши кутиб олинди. Кузда эса “Веста”нинг универсалини қаршилаймиз.

Расмдан универсал анча кўркамлигини билса бўлади. Ўтган йилги Москва автосалонида туби баланд, пластик тўсқичли Cross версияси намойиш этилган. Vesta-универсални сентябрда кўришимиз мумкин, конвейерга эса йилнинг охиригача қўйилади.

4. Skoda Kodiaq

Чех маркасига тегишли биринчи йирик кроссовернинг нейтрал қиёфаси ва салонидаги “ақлли ёрдамчилари”га ишқибозлар кўп. Yeti торроқ, аммо Kodiaq кроссоверига етти киши ҳам сиғади.

5. Mazda CX-5

Интиқлик билан кутилаётган яна бир кроссовер Mazda CX-5. Уни дизайни, сифатли интерьери ва динамик кўрсаткичлари учун танлашади. Агар бу кроссоверга қизиқсангиз, хабаримизнинг остидаги калит сўзлардан “Mazda CX-5”ни босинг – у ҳақда бир неча марта ёзганмиз.