2018 йилнинг энг хавфсиз автомобиллари эълон қилинди

Американинг Insurance Institute for Highway Safety (IIHS) институти мураккаб краш-тестда энг яхши натижаларни кўрсатган 15 та автомобиль номини эълон қилди, деб ёзади Daryo.uz.

Энг юқори баҳоларга Subaru Impreza, Subaru Legacy, Subaru Outback ва Toyota Camry сазовор бўлди.

Улардан кўра пастроқ балларни Mercedes-Benz E-Class, KIA Forte, KIA Soul, Subaru WRX, BMW 5 series, Genesis G90, Hyundai anta Fe, Hyundai Santa Fe Sport, Mercedes-Benz GLC қўлга киритди.

2018 йилги модель қаторининг хавфсиз автолари рўйхатида сўнгги ўринларни Genesis G80 ва Lincoln Continental эгаллади. Иккала моделда ҳам болалар креслоларини ўрнатиш тизимида жиддий камчилик аниқланди.

IIHS кузовнинг конструкциявий мустаҳкамлигига эътибор қаратилганини айтди.

Америка институти рейтингида қуйидаги мезонлар ҳисобга олинди: кичик тўсиқли олд зарба, ўртача тўсиқли олд зарба, ёндан зарба, томнинг мустаҳкамлиги, ўриндиқлар ва бош тирагичларнинг хавфсизлиги, шунингдек, тўқнашувлар олдини олиш тизимлари, чироқлар ва болалар креслосини ўрнатиш қулайлиги.