2019 йилда SsangYong тўла электрга ишловчи кроссоверни тақдим этади

Кореянинг SsangYong Motor компанияси йўлтанламаснинг тўла электрга ишлайдиган версиясини ишлаб чиқаришга енг шимарди. AutoMarket нашри хабарида айтилишича, янги русум 2019 йилда дунёга кўрсатилади.

Таъкидлаш керакки, бир неча йил муқаддам SsangYong Motor Company касодга учраб қолган эди. Бироқ Mahindra & Mahindra ёрдами билан корейс компанияси ўзини тиклаб, тобора тараққий эта бошлади. SsangYong ишлаб чиқарган автомобиллар орасида ўтувчанлиги юқори русумлар алоҳида ўрин тутади. Энди компания ички ёнув двигателидан воз кечиб, тамом электрли йўлтанламас чиқармоқчи. Янги машинанинг шартли номи SsangYong C300. Кроссовер Tivoli ва Tivoli XLV русумлари ўртасидан жой олади.

Бироқ кроссовернинг дизайни тўғрисида ҳеч нарса маълум эмас. Ташқи қиёфаси устида Mahindra & Mahindra мутахассислари ишлаётганини тахмин қилинмоқда. Бу машина ўта замонавий ва ўзига хос қиёфада яратилишини билдиради.