2022 йилда Daimler ўн турдаги электромобиль ишлаб чиқаради

“Даймлер” электромобиль сегментида фаолиятини кенгайтирмоқда. 2022 йилда автобозорга янги ўн русумни чиқаради. Аввалги режа бўйича муддат 2025 йилгача эди.

Ўтган йили Париж автосалонида даймлерчилар Generation EQ концепт-карини тақдим этганди. У янги бўғинни биринчи русумидир. Бу бўғинда йўлтанламас, седан ва компакт электромобиллар жамланган бўлиб, 2019 йилдан ишлаб чиқариш бошланади. Mercedes-Benz янги EQ суббрендни тақдим этади.

Муддат қисқартирилганлиги автомобилларни электромобилга айлантириш жараёни тезлашганлигидан далолат беради. Аммо Daimler “ўтиш даври”да ҳам ички ёнув двигателларини ҳам замонавийлаштиришда давом этишини билдирди.

Экологик машиналарга ўтиш жадаллашганининг яна бир сабаби “дизелгейт воқеаси”дир (дизель двигателлари атмосферага чиқарадиган зарарли газ миқдорини атайин пасайтириб кўрсатилганлиги). Энди Daimler двигателлари янада қаттиқроқ назорат қилинадиган бўлди.