“Афросиёб” электропоездларининг сони 4тага етди

2015 йил 6 ноябрда “Ўзбекистон темир йўллари” акциядорлик жамияти ва Испаниянинг “PATENTES TALGO, S.L.U” компанияси ўртасида яна 2 юқори тезликда ҳаракатланувчи электропоездни харид қилиш бўйича шартнома имзоланган эди. Шартномага мувофиқ, ушбу замонавий электропоездларнинг иккинчиси ҳам юртимизга олиб келинди, деб хабар бермоқда Kun.uz.

Янги замонавий электропоезд 287 йўловчига мўлжалланган. Унда эконом тоифали вагонлар сони 2011 йилда олиб келинган “Афросиёб”га қараганда иккитага кўп. Бу бир вақтнинг ўзида қўшимча 72 йўловчини ўз манзилига етказиш имкони демакдир.

Жорий йилнинг март ойида Ўзбекистонга олиб келинган юқори тезликда ҳаракатланувчи “Афросиёб” электропоезди бугунги кунда Тошкент-Бухоро-Тошкент йўналишида мунтазам қатновини амалга ошириб йўловчиларга хизмат қилмоқда.

Хабарда айтилишича, ҳозирги кунда замонавий “Афросиёб” электропоездларининг янги ҳаракат жадвали ишлаб чиқилмоқда.