Airbus учар такси тайёрлайди

Carscoops нашрининг хабар беришича, Airbus учар такси ишлаб чиқишни режалаштираётган экан.

Бундай транспорт пилотсиз ҳаракатланиш функциясига эга бўлади ва тирбандликлар билан боғлиқ муаммоларни бартараф этади.

Ҳозирда компания учар таксиларнинг бир неча вариантларини лойиҳалаш устида иш олиб боряпти. Улардан бирининг номи Vahana бўлиб, у битта йўловчига мўлжалланган. Норасмий маълумотларга кўра, Airbus учар такси дизайнини тасдиқлаб бўлган, синовлар эса кейинги йилга ражалаштирилган.

Учар такси доирасидаги яна бир лойиҳанинг номи — CityAirbus. Тўлиқ автоном бўлган ушбу транпорт воситасига пропеллерлар ўрнатилади, модель электродвигатель ёрдамида ҳаракатлалнади. Vahana’дан фарқли ўлароқ, CityAirbus бир нечта йўловчиларни ташишга хизмат қилади.

Бундан аввалроқ Uber’нинг чексиз тирбандликлари билан танилган Сан Паулу (Баразилия) шаҳридаги мижозлари учар вертолетлардан фойдаланиши тўғрисида хабарлар тарқалган эди.

Сан Паулу Uber эктремал режимда хизмат кўрсатадиган илк шаҳар бўлиши кутилмоқда. Парвозларни ўз вертолёт паркига эга бўлган учта компания амалга оширади. Вертолёт таксидан, асосан, аэропортлар, меҳмонхоналар ва бизнес-марказларга қатнаш учун фойдаланиш мумкин бўлади.

Бу кетишда тез орада фантастика фильмларидаги учар транспортлар ҳақиқатга айланиши ҳеч гап эмас.