Аккумулятори ўтирган машинани домкрат ва чилвир ёрдамида ўт олдиришни биласизми? Видео

Аккумулятор кутилмаганда ўтириб қолди. Аксига олиб ёрдам берадиган одамнинг ўзи йўқ. Итаришга кучингиз етмайди, деб ёзмоқда sof.uz сайти.

Ташвиш чекманг, бунинг йўли бор. Дарвоқе, автомобилингиз механик қутига эгами?

Бунинг учун сизга ҳар бир ҳайдовчи ёнида олиб юриши шарт бўлган домкрат ва чилвир керак.

Домкрат ёрдамида машинани ғилдираги ерга тегмайдиган даражада кўтаринг. Сўнг ғилдиракка чилвирни яхшилаб ўранг. Движок ёки қайиқнинг моторини арқонча орқали тортиб юргизганмисиз? Ғилдиракка пухта ўралган чилвирни қулочкашлаб қаттиқ тортинг, ғилдирак айланиб, двигатель ишлаб кетади. Техник томонлама бу усул машинани итариб юргизишга ўхшайди.