Alfa Romeo Giulia янги двигателида 276 отнинг кучи бор

Alfa Romeo автоконцерни Giulia седани комплектациясини кўрсатди. Янги седан АҚШ бозорига мўлжалланган. Инженерлар моделни такомиллаштириб қувватини 276 от кучига етказишди. Ўзгартириш жараёнида янги платформа ва кўндаланг дастак (ричаг) тайёрлашга тўғри келди.

Модель аввалги версияларидан кўра йўлда барқарорроқ. Автомобиль орқа узатмали, олд узатма фақат қўшимча опция кўринишида бўлади.

Alfa Romeo Quadrifoglio Verde модификациясида эса 505 отнинг кучи бор. Двигатель ҳажми 2,9 литр. Спорт автоси 100 км/соат тезликка 3,8 сонияда эришади. Энг юқори тезлиги 307 км/соат. Нархи, ҳозирча, маълум эмас.

Alfa Romeo Giulia келгуси йил сентябридан Буюк Британияда сотила бошлайди. Седаннинг асосий рақобатчилари Mercedes-Benz C-класс, Audi A4 ва BMW 3-Series русумлари бўлади.