«Алоқабанк” автокредит бера бошлади

Фуқароларнинг автомобил сотиб олиш учун кредит жорий қилиш юзасидан билдирилган таклифларини инобатга олган ҳолда, АТ «Алоқабанк» томонидан GM Uzbekistan расмий дилерларидан пул кўчириш йўли билан автомобилларни харид қилиш учун «Автокредит» истеъмол кредити жорий қилинди, деб хабар бермоқда aloqabank.uz сайти.

Автокредитнинг асосий шартлари:

Депозит гарови – автомобил нархидан 30%;

Кредит муддати – 4 йилгача;

Кредит фоизи – йиллик 20%;

Кредитни расмийлаштириш учун банк филиалларига мурожаат қилиш мумкин. “Алоқабанк” республикамизнинг Тошкент, Самарқанд, Бухоро, Фарғона, Хоразм ва бошқа вилоятларида ўз филиалларига эга.

Банк фаолиятига оид таклифлар бўлса, t.me/aloqabanktaklifbot телеграм боти орқали жўнатиш мумкин.