Америкаликлар “иблис автомобили”ни ясади

Dodge Challenger Demonнинг исми жисмига муносибдир. Расмига қаранг — қанчалик дағал қиёфа.

Бироқ америкалик инженерлар машинанинг ташқи кўриниши билангина кифояланиб қолмаган. Demonнинг ичида ҳам қизиқарли опциялари бор. Масалан унда дрег-рейсинг (одатда, 402 метр масофага спринтча пойга) учун алоҳида покришка бор. Ҳозиргача бирорта машинанинг бундай опцияси бўлмаган. Nitto NT05R шиналарининг ўлчами 315/40R18 бўлиб, ёнида иблиснинг боши тасвири туширилган.

Двигатели ҳам шиддатли. Challengerнинг оддий версиясида 309 от кучи бўлса, Hellcat версияси 717 от кучига эгадир. Demon версияси янада илгарилаб 6,2 литрли моторни 850 от кучигача оширган.

“Демон”нинг яна бир хусусияти ҳавотортари катталигидадир. Серияли машиналарнинг ҳеч бирида бунчалик катта ҳавотортарни учратмайсиз. Ҳавотортар, ҳаттоки, олд фараларида ҳам бор.

Ўриндиғи атиги битталигини айтиб ўтиш лозим. Аммо пойгадан бўш вақтда ҳамроҳ билан сайр қилиш учун қўшимча ўриндиқ ўрнатиб олса бўлади. Албатта, устама тўлов эвазига.