АҚШда Faraday Future электрокроссоверини синаш бошланди

Океан ортида янги электрли кроссоверни синаш ишлари бошланди. Faraday Future АҚШ-Хитой қўшма компаниясининг биринчи серияли кроссовердир.

Маҳаллий ОАВ хабарига кўра, машинани синаш ишлари Мохаве саҳросида ўта махфий шароитда ўтказилмоқда. Аммо чаққон сураткашлардан қочиб қутулиб бўлармиди? Фотографлар кроссоверни кўп бора расмга туширди, улардан хулоса қилсак, спортча минивэн ва кросс-купе ўртасидаги электромобиль ясалганини кўрамиз.

Электромобилнинг мотори тўғрисида янгилик йўқ. Аммо экспертлар компаниянинг дастлабки лойиҳаларидагига нисбатан оддийроқ двигатель ўрнатилганлигини тахмин қиляпти.