ArcaBoard учар скейтини томоша қилинг
ArcaSpace компанияси ArcaBoard номли учар скейтини намойиш қилди. Учар аравача ҳавода 5 дақиқа парвоз қилди. Скейтнинг ўзи сингари нархи ҳам осмонда — 20 минг доллар.
ArcaSpace хусусий компания бўлиб, космик саноат учун қурилма ва технология яратиш устида ишлайди. ArcaBoard компаниянинг фуқаролар учун мўлжалланган кўпгина қурилмаларидан биридир.
Учар скейтнинг 36та электрли вентилятори бор, парраклари воситасида ҳавога кўтарилади. Қуввати 272 от кучига тенг, вазни 195 кг.
Қуйидаги видеода учар скейт парвози, унинг ички тузилиши ва синов жараёни кўрсатилган. Марҳамат томоша қилинг.