Audi электрокроссовери Бельгияда чиқади

Маълум бўлишича Audi Q6 автомобилининг электрли версияси Бельгияда йиғилиши мумкин. Бу хабарни Audi немис автомобиль компаниясининг бошқарувчиси билдирди.

Аввалроқ бу автомобилни 2018 йилда кўрсатишга қарор қилинган эди. Audi Q6 янги автомобили e-tron quattro платформаси асосида ясалади, ушбу моделни Брюссель ҳудудидаги заводда йиғиш мўлжалланмоқда. Мазкур завод Audi компаниясининг А1 номли машинасини йиғиши аввалдан маълум, Q6 моделини йиғиш бошлангач эса А1 Испания корхоналарида йиғилади.

Янги автомобилни яратиш учун тахминан 100 миллион евро инвестиция сарфлашга қарор қилинди. Янги моделнинг кўрсаткичлари ҳали аниқ эмас, шунингдек ишлаб чиқариш санаси ҳам энди маълум бўлади.